Venezuela ka liruar gjashtë të burgosur amerikanë pas bisedimeve në Karakas midis presidentit Nicolas Maduro dhe një zyrtari të lartë të administratës Trump.
Lirimi i burrave u njoftua në mediat sociale nga Donald Trump dhe i dërguari i tij special, Richard Grenell. Emrat e tyre nuk janë bërë publik.
Grenell – i cili publikoi në internet një foto të gjashtë personave në bordin e avionit të tij – tha se ata kishin folur me telefon me Trump për ta falënderuar atë.
Më herët, Shtëpia e Bardhë i kishte bërë thirrje Venezuelës që të lironte ata që i quajti “pengjet amerikanë” – si dhe të pajtohej e të pranonte kriminelët venezuelianë të dëbuar nga ShBA-ja, ose të përballej me pasoja.
Grenell nuk i përmendi emrat e gjashtë burrave, të cilët u panë të veshur me veshje blu të lehta të përdorura nga sistemi i burgjeve venezueliane.
Të paktën nëntë persona me nënshtetësi amerikane besohet të jenë në mesin e mbi 2,200 të arrestuarve nga autoritetet venezueliane pas protestave mbarëkombëtare mbi rezultatet e kontestuara të zgjedhjeve të korrikut 2024, në të cilat Nicolas Maduro pretendoi fitoren.
Rizgjedhja e tij u refuzua gjerësisht nga opozita dhe komuniteti ndërkombëtar, përfshirë ShBA-në. Ai u betua për mandatin e tij të tretë muajin e kaluar.
Trump e përshëndeti masën në një postim të veçantë, duke thënë se Grenell po i sillte të gjashtë personat “në shtëpi nga Venezuela”.
Mediat shtetërore të Venezuelës thanë se diskutimet me të dërguarin e Presidentit Trump kishin qenë të respektueshme, shkruan BBC, transmeton Klankosova.tv.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
