Në Tiranë është zhvilluar këtë të martë protesta e 66-të qytetare, e organizuar nga aktivistë dhe qytetarë kundër qeverisë.
Protestuesit u mblodhën fillimisht në sheshin “Skënderbej”, prej nga nisën marshimin drejt Bulevardit “Dëshmorët e Kombit”, duke u ndalur përpara godinës së Kryeministrisë.
Edhe në këtë tubim nuk munguan thirrjet kundër qeverisë dhe kryeministrit Edi Rama. Pjesëmarrësit përsëritën kërkesat e tyre të mëparshme për dorëheqjen e kryeministrit, ndërsa brohoritën slogane si: “Dorëheqje”, “Ju erdhi fundi”, “Rama në burg, Berisha në burg” dhe “Rama, jepe dorëheqjen”.
Pas përfundimit të fjalimeve, protestuesit vijuan marshimin e përnatshëm në rrugët kryesore të kryeqytetit.
Sinjali – aty ku e vërteta flet para lajmit!
