Agjencia e Ushqimit dhe Veterinarisë (AUV) ka identifikuar dhjetëra parregullsi gjatë kontrolleve të zgjeruara në sektorin e qumështit dhe produkteve të qumështit.
Gjatë aksionit të zhvilluar nga prilli deri në korrik të vitit 2026, janë marrë dhe analizuar gjithsej 495 mostra, me qëllim verifikimin e sigurisë ushqimore, përbërjes së produkteve dhe përputhshmërisë së etiketimit.
Sipas AUV-së, janë evidentuar 93 mospërputhje, ku problemi më i shpeshtë ka qenë prania ose mosdeklarimi i vajit të palmës në produkte.
Kryeshefi i AUV-së, Bekim Hoxha, ka bërë të ditur se 46 raste, apo pothuajse gjysma e mospërputhjeve të identifikuara, kanë të bëjnë me vajin e palmës.
Ai ka theksuar se në mbi 91 për qind të rasteve të mospërputhjeve, përbërësit nuk janë deklaruar në etiketë në mënyrën e kërkuar me ligj, duke bërë që konsumatorët të mos kenë informacion të plotë për produktet që blejnë.
Sinjali – aty ku e vërteta flet para lajmit!
