Kylian Mbappé po vazhdon rikuperimin nga një dëmtim në kofshën e majtë që e ka mbajtur jashtë fushave të lojës që nga fundi i prillit.
Gjatë kësaj periudhe, sulmuesi francez ka bërë një pauzë të shkurtër në Sardenjë, ku është parë në Cagliari, gjë që ka nxitur reagime në mesin e tifozëve të Real Madridit.
Në rrjetet sociale, disa tifozë kanë kritikuar vendimin e tij për pushim gjatë fazës së rehabilitimit, duke shkruar se “duhej të ishte në stërvitje dhe jo në pushime”.
Megjithatë, stafi mjekësor i klubit po e monitoron nga afër gjendjen e tij dhe thekson se rikthimi do të bëhet vetëm kur ai të jetë plotësisht i gatshëm.
Sipas planit aktual, Mbappé mund të rikthehet në fushë në mesin e muajit maj, nëse procesi i rikuperimit vazhdon pa komplikime.
Sinjali – aty ku e vërteta flet para lajmit!
