Çmimi i arit është rritur mbi 1% të mërkurën, ndërsa dollari amerikan ka vazhduar të qëndrojë nën presion.
Rritja e arit vjen në një kohë kur investitorët janë në pritje të të dhënave të reja për inflacionin në SHBA. Këto të dhëna pritet të japin sinjale më të qarta se si mund të veprojë Rezerva Federale me normat e interesit.
Dollari është afër nivelit më të ulët të dy javëve të fundit. Dobësimi i tij zakonisht e favorizon arin, pasi metali i çmuar bëhet më i lirë për blerësit që përdorin valuta të tjera.
Në të njëjtën kohë, tregjet po përballen edhe me rritjen e çmimit të naftës, i cili ka kaluar mbi 100 dollarë për fuçi, mes përshkallëzimit të luftës në Lindjen e Mesme.
Sipas analistes së StoneX, Rhona O’Connell, çmimet e larta të naftës mund të shtojnë presionin mbi inflacionin dhe të ndikojnë në tregjet financiare.
Edhe obligacionet amerikane kanë reaguar ndaj zhvillimeve të fundit. Rendimenti i obligacioneve 10-vjeçare të SHBA-së u rrit në nivelin më të lartë që nga nëntori i vitit 2023, përpara se të shënonte një rënie të lehtë.
Sinjali – aty ku e vërteta flet para lajmit!
