Aleanca e Prishtinës ka mbajtur dje mbledhjen e Kryesisë së Degës, ku është diskutuar për angazhimet dhe objektivat e ardhshme të strukturës së partisë në kryeqytet.
Kryetari i Aleancës në Prishtinë, Kreshnik Smajljaj, ka bërë të ditur se në takim ka marrë pjesë edhe anëtarësia e re, të cilës i ka uruar angazhimin.
Smajljaj ka deklaruar se fokusi do të jetë te bashkëpunimi, puna dhe angazhimi i të gjitha strukturave, me synim forcimin e Aleancës në Prishtinë.
“Synimi ynë është të forcojmë Degën e Aleancës në Prishtinë, të rrisim angazhimin dhe mobilizimin tonë dhe ta bëjmë Aleancën një forcë serioze politike me rol të rëndësishëm në qeverisjen lokale”, ka shkruar ai.
