Pesë persona kanë humbur jetën dhe dy të tjerë janë lënduar pas një shpërthimi dhe zjarri në një linjë prodhimi të shtytësve raketorë në Korenë e Jugut.
Ngjarja ka ndodhur të hënën në një fabrikë të kompanisë Hanwha Aerospace në qytetin Daejeon, sipas autoriteteve lokale.
Zyrtarët e zjarrfikësve kanë bërë të ditur se dy persona kanë arritur të dalin vetë nga objekti, njëri prej tyre me djegie të rënda.
Autoritetet shëndetësore kanë deklaruar se identifikimi i viktimave ende nuk është bërë për shkak të gjendjes së rëndë të trupave.
Hetimet për shkaqet e shpërthimit janë duke vazhduar.
Sinjali – aty ku e vërteta flet para lajmit!
