Organizata e Veteranëve të Luftës së UÇK-së (OVL-UÇK) ka njoftuar se protesta e paralajmëruar para Kuvendit të Kosovës do të mbahet nesër në orën 09:00.
Protesta do të zhvillohet në kohën kur është planifikuar të nisë seanca plenare e Kuvendit.
Në këtë seancë pritet të diskutohet edhe projektligji i propozuar nga PDK-ja për ndryshimin e Ligjit për Gjykatën Speciale.
Fillimisht, OVL-UÇK kishte njoftuar se protesta do të mbahej në orën 12:00. Megjithatë, organizata ka vendosur që tubimi të nisë më herët, duke e lidhur ndryshimin e orarit me zhvillimet në Kuvend.
Përmes njoftimit, OVL-UÇK u ka bërë thirrje qytetarëve që të marrin pjesë në protestë.
Sinjali – aty ku e vërteta flet para lajmit!
