Kosova dhe Austria kanë ndarë pikët në Grupin B3 të Ligës së Kombeve, pasi ndeshja në mes tyre përfundoi 1-1.
Pjesa e parë u mbyll pa gola, ndërsa rastet e rrezikshme ishin të pakta.
Në minutën e 71-të, Kosova kaloi në epërsi. Fisnik Asllani u gjend në vendin e duhur për të shënuar dhe për ta çuar rezultatin në 1-0.
Dardanët patën mundësi ta dyfishonin avantazhin. Milot Rashica, pas një aksioni individual, goditi shtyllën e majtë të portierit Alexander Schlager.
Pak më vonë, edhe Valon Hoxha ishte pranë golit. Goditja e tij me kokë nga rreth shtatë metra u ndal nga Schlager në vijën e portës.
Austria nuk u dorëzua dhe në minutën e 83-të e barazoi rezultatin. Christoph Lang mbeti i pashënuar në zonë dhe me kokë shënoi për 1-1.
Pas këtij rezultati, Austria vazhdon të jetë në krye të Grupit B3 me 8 pikë. Kosova renditet e dyta me 5 pikë.
Sinjali – aty ku e vërteta flet para lajmit!
