Ministria e Industrisë, Ndërmarrësisë, Tregtisë dhe Inovacionit ka publikuar çmimet e reja të derivateve për datën e sotme në Kosovë.
Sipas njoftimit të publikuar, nafta do të shitet për çmimin maksimal prej 1.69 euro për litër.
Përsa i përket lëndëve të tjera, benzina do të kushtojë 1.48 euro për litër, ndërsa gazi do të shitet për 0.85 euro për litër.
Këto çmime përbëjnë një rritje prej 1 centi për litër për naftën dhe benzinen, krahasuar me çmimet që ishin në fuqi të premten e kaluar.
