Klubi zviceran i futbollit FC Basel ka vendosur të anulojë një koncert të planifikuar të reperit amerikan Kanye West në stadiumin St. Jakob-Park.
Vendimi vjen pas shqyrtimit të kërkesës për organizimin e koncertit, ndërsa klubi theksoi se nuk mund të ofrojë një platformë për artistin, duke u bazuar në vlerat dhe parimet e tij.
Në një deklaratë për media, përfaqësues të klubit bënë të ditur se projekti nuk do të vazhdojë, pa dhënë detaje të tjera, por duke lënë të kuptohet se vendimi lidhet me reagimet dhe polemikat e mëparshme rreth komenteve të artistit.
Ky zhvillim e bën FC Basel një nga institucionet e fundit në Evropë që ka refuzuar ose shtyrë evente të lidhura me Kanye West, mes reagimeve të vazhdueshme ndaj deklaratave të tij në të kaluarën.
Sinjali – aty ku e vërteta flet para lajmit!
