Një shofer 53-vjeçar është shoqëruar nga Policia e Elbasanit pasi u kap duke drejtuar mjetin në gjendje të dehur, ndërkohë që transportonte 13 nxënës në aksin Belsh–Gjolene.
I dyshuari është identifikuar si Sazan Jashar Gjolena, i cili po drejtonte një automjet tip “Benz Sprinter”.
Sipas të dhënave, drejtuesi i mjetit iu nënshtrua testit të alkoolit dhe në dy matje radhazi rezultoi mbi normat e lejuara, konkretisht 0.68 mg/l dhe 0.67 mg/l.
Pas verifikimeve, ai u shoqërua në Drejtorinë Vendore të Policisë Elbasan për procedurat përkatëse.
Sinjali – aty ku e vërteta flet para lajmit!
