Një grua është gjetur e vdekur para pak minutash te Ura e Fshajt në Gjakovë, raporton Klan Kosova.
Burimet e Klankosova.tv bëjnë me dije se trupi është nxjerrë nga Zjarrfikësit dhe tashmë në vendin e ngjarjes ndodhet edhe Policia e Kosovës,
Akoma nuk dihen rrethanat e rastit tragjik, ndërsa redaksia është në pritje të konfirmimit zyrtar.
12:33 – E përditësuar
Nga Policia Rajonale në Gjakovë kanë njoftuar se trupi i pajetë është gjetur në lumin Drini i Bardhë, në afërsi të urës.
Vdekja e viktimës është konstatuar nga personeli mjekësor në vendin e ngjarjes.
Po ashtu është bërë e ditur se në konsultim me Prokurorin e Shtetit, është iniciuar rasti “Hetim i vdekjes”. /Klankosova.tv
