Një rast i dhunës në familje është raportuar mbrëmjen e 1 majit në Gjakovë, ku një konflikt bashkëshortor ka eskaluar në dhunë fizike.
Ngjarja ka ndodhur rreth orës 21:00, në rrugën “Ali Ibra”, ku sipas burimeve të besueshme nga strukturat e afërta me hetimin, një burrë dyshohet se ka ushtruar dhunë ndaj bashkëshortes së tij pas një mosmarrëveshjeje që lidhej me dyshime për tradhti.
I dyshuari, Sh. Sh., dyshohet se në një moment e ka goditur viktimën A. Sh. me grusht në pjesën e brinjëve dhe me një shishe plastike në këmbë. Megjithatë, sipas të dhënave fillestare, viktima nuk ka pësuar lëndime trupore dhe ka refuzuar trajtimin mjekësor.
Pas intervenimit të policisë, i dyshuari është arrestuar dhe është intervistuar në prani të avokatit mbrojtës sipas detyrës zyrtare.
Me vendim të prokurorit kujdestar, i njëjti është ndaluar për 48 orë, ndërsa rasti është iniciuar si “Dhunë në familje” dhe mbetet nën hetime.
Sinjali – aty ku e vërteta flet para lajmit!
