Kombëtarja e Kosovës ka zhvilluar sot stërvitjen e dytë në kuadër të përgatitjeve për ndeshjen e parë ndaj Irlandës, në Grupin 3 të Ligës B të Ligës së Kombeve.
Seanca stërvitore u zhvillua në Kampin Nacional në Hajvali, ndërsa përzgjedhësi Franco Foda kishte në dispozicion të gjithë 27 futbollistët e grumbulluar për katër ndeshjet e radhës.
Stërvitja u zhvillua me ritëm të lartë dhe me angazhim maksimal nga futbollistët, ndërsa Foda u fokusua në aspektet taktike dhe teknike të lojës.
Dardanët nesër do ta zhvillojnë stërvitjen zyrtare në stadiumin “Fadil Vokrri”, me fillim nga ora 17:00.
Sinjali – aty ku e vërteta flet para lajmit!
