Shefi i tregtisë i Bashkimit Europian tha se blloku 27-anëtarësh është i përkushtuar për të siguruar një marrëveshje tregtare me SHBA-në bazuar në “respekt” dhe jo në “kërcënime”.
Kjo vjen pasi presidenti amerikan Donald Trump kërcënoi se do të vendosë një tarifë prej 50% për të gjitha mallrat që dërgohen në Shtetet e Bashkuara nga BE.
“BE është plotësisht e angazhuar, e përkushtuar për të siguruar një marrëveshje që funksionon për të dyja”, tha komisioneri i tregtisë së BE-së Maros Sefcovic pas një telefonate me Përfaqësuesin e Tregtisë së SHBA Jamieson Greer dhe sekretarin e tregtisë Howard Lutnick, raporton BBC.
“Tregtia BE-SHBA është e pakrahasueshme dhe duhet të udhëhiqet nga respekti reciprok, jo nga kërcënimet. Ne jemi të gatshëm të mbrojmë interesat tona”.
Më herët të premten, Trump shprehu padurim me ritmin e negociatave tregtare në vazhdim BE-SHBA, duke thënë se plani i tij për të rritur tarifat më 1 qershor ishte vendosur.
Duke postuar në platformën e tij “Truth Social”, Trump tha: “Diskutimet tona me ta (BE) nuk po shkojnë askund”, duke shtuar se nuk do të ketë tarifa për produktet e ndërtuara ose të prodhuara në SHBA.
“Unë nuk jam duke kërkuar për një marrëveshje – ne e kemi vendosur marrëveshjen”, u tha ai gazetarëve më vonë, përpara se të shtonte menjëherë se një investim i madh në SHBA nga një kompani europiane mund ta bëjë atë të jetë i hapur ndaj një vonese.
BE-ja është një nga partnerët më të mëdhenj tregtarë të Uashingtonit, duke dërguar më shumë se 600 miliardë dollarë (528 miliardë euro) mallra vitin e kaluar dhe duke blerë 370 miliardë dollarë, tregojnë shifrat e qeverisë amerikane.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
