Ambasada e Shteteve të Bashkuara të Amerikës në Tiranë ka njoftuar për takimin e ambasadorit të ri amerikan në Shqipëri, Eric Wendt, me Presidentin Bajram Begaj.
Sipas ambasadës, Wendt i dorëzoi Letrat Kredenciale Presidentit Begaj, duke shënuar nisjen zyrtare të detyrës së tij si ambasador i SHBA-së në Shqipëri.
Në njoftim thuhet se gjatë takimit, Wendt dhe Begaj rikonfirmuan partneritetin e fortë mes Shteteve të Bashkuara dhe Shqipërisë.
Palët diskutuan gjithashtu për avancimin e prioriteteve të administratës së Presidentit Donald J. Trump, përfshirë bashkëpunimin në fushën e mbrojtjes, rritjen ekonomike dhe luftën kundër grupeve kriminale transnacionale.
Takimi u zhvillua pas ceremonisë së paraqitjes së Letrave Kredenciale nga ambasadori Wendt te Presidenti i Shqipërisë.
Sinjali – aty ku e vërteta flet para lajmit!
The post Ambasada amerikane njofton për takimin Wendt-Begaj: U rikonfirmua partneriteti mes dy vendeve appeared first on Sinjali.
