Një ngjarje e rëndë është regjistruar në zonën e Fllakës në Durrës, ku një zjarr në ambientet e një magazine ka shkaktuar humbjen e jetës së një të riu dhe plagosjen e një tjetër personi.
Sipas të dhënave paraprake, viktima është një 25-vjeçar nga Bangladeshi, i cili dyshohet se ka ndërruar jetë nga asfiksia si pasojë e tymit të dendur. Zjarri mendohet të jetë shkaktuar nga një bombol gazi në ambientin ku përgatitej ushqimi për punonjësit.
Një tjetër person, rreth 30 vjeç nga Kenia, ka mbetur i lënduar dhe është transportuar menjëherë për trajtim mjekësor në spital.
Në vendngjarje kanë ndërhyrë forcat e Policia e Shtetit dhe zjarrfikësit, të cilët kanë bërë të mundur shuarjen e flakëve dhe sigurimin e zonës.
Grupi hetimor po vijon punën për të përcaktuar shkaqet e sakta të zjarrit dhe rrethanat që çuan në këtë tragjedi.
Sinjali – aty ku e vërteta flet para lajmit!
