Edon Zhegrova po tregon se nuk është ndikuar nga situata e krijuar rreth tij te Juventusi, teksa ylli i Kombëtares së Kosovës ka shkëlqyer në stërvitjen e fundit të “Zonjës së Vjetër”, duke dhuruar spektakël me aftësitë e tij teknike.
27-vjeçari ka kaluar dy javë jo të lehta, pasi në ditët e fundit të afatit kalimtar ishte pranë largimit nga Juventusi.
Për më tepër, sulmuesi anësor nga Prishtina u la jashtë listës së Juventusit për Ligën e Evropës, ndërsa ishte pranë të mos përfshihej as në listën për ndeshjet e Serie A.
Megjithatë, e gjithë kjo nuk e ka ndalur dhe as demotivuar Zhegrovën. Ai ka vazhduar të punojë me profesionalizëm në stërvitje, duke pritur mundësinë e tij për të treguar veten në fushë.
Dhe në seancën e fundit stërvitore, reprezentuesi i Kosovës ka dhënë sinjale të mira për formën e tij.
Zhegrova është shfaqur në formë të shkëlqyer, duke treguar edhe një herë cilësitë e tij të jashtëzakonshme teknike në përballjet me bashkëlojtarët.
“Viktima” të tij kësaj radhe ishin mbrojtësit Gleison Bremer dhe Pierre Kalulu, të cilët Zhegrova i dribloi me lehtësi, përpara se ta dërgonte topin në rrjetën e Guglielmo Vicarios.
Sinjali – aty ku e vërteta flet para lajmit!
