Të paktën 25 persona kanë humbur jetën si pasojë e një zjarri që përfshiu një anije mallrash në një kantier detar në portin e Qingdaos, në lindje të Kinës.
Sipas agjencisë shtetërore të lajmeve Xinhua, në anije ndodheshin 42 persona kur shpërtheu zjarri gjatë punimeve të mirëmbajtjes dhe inspektimit.
Fillimisht u raportua se 12 persona ishin evakuuar në mënyrë të sigurt, ndërsa pesë të plagosur ishin dërguar në spital. Më pas, numri i viktimave u përditësua në 25.
Zjarri shpërtheu gjatë orëve të mëngjesit në Kantierin Detar Beihai të Qingdaos dhe, sipas autoriteteve, deri në fillim të pasdites ishte vënë nën kontroll.
Anija, e quajtur “Ocean Melody”, është rreth 20 vjeçe, mban flamurin e Liberisë dhe kishte mbërritur në kantier më 31 gusht për punime mirëmbajtjeje.
Presidenti kinez Xi Jinping ka kërkuar që të intensifikohen kërkimet për personat e zhdukur, të menaxhohet situata dhe të zhvillohet një hetim i shpejtë për shkaqet e zjarrit.
Sinjali – aty ku e vërteta flet para lajmit!
