Granit Xhaka ka ndarë një mesazh urimi për Valon Berishën, pas vendimit të tij për t’i dhënë fund paraqitjeve me Kombëtaren e Kosovës.
Berisha u përshëndet me fanellën e Kosovës para ndeshjes ndaj Austrisë. Gjatë ceremonisë në stadium, mesfushori nuk i përmbajti emocionet teksa tifozët e duartrokitën për kontributin e tij ndër vite.
Ai ishte pjesë e grupit të parë të futbollistëve që iu bashkuan Kosovës pas anëtarësimit në UEFA dhe FIFA.
Berisha do të mbetet në historinë e Kombëtares edhe si autori i golit të parë të Kosovës në një ndeshje zyrtare, kur realizoi ndaj Finlandës me një goditje që u bë ikonike për përfaqësuesen.
Ndërkohë, Xhaka i ka uruar Berishës suksese në vazhdim të karrierës dhe jetës së tij pas Kombëtares.
Sinjali – aty ku e vërteta flet para lajmit!
