Administrata e presidentit amerikan Donald Trump ka nisur rishikimin e një pjese të sanksioneve dhe masave kufizuese të vendosura gjatë mandatit të Joe Biden, duke sinjalizuar një qasje të re në politikën amerikane ndaj rasteve të korrupsionit dhe kufizimeve ndërkombëtare.
Një nga vendimet e para ka qenë largimi i Alexander Manolev nga lista e personave të ndaluar për hyrje në Shtetet e Bashkuara. Ish-zëvendësministri bullgar i Ekonomisë ishte përfshirë në vitin 2021 në masat kufizuese të Departamentit Amerikan të Shtetit për dyshime lidhur me korrupsionin.
Sipas raportimeve, administrata aktuale po analizon edhe raste të tjera të vendosura gjatë viteve të fundit, me synimin për të vlerësuar nëse sanksionet janë bazuar në kritere të sigurisë kombëtare apo janë ndikuar nga konsiderata politike.
Vëzhguesit e politikës amerikane e shohin heqjen e Manolevit nga lista si një sinjal të parë të ndryshimit të kursit në administratën Trump, ndërsa pritet që procesi i rishikimit të përfshijë edhe emra të tjerë me profil të lartë në muajt në vijim.
Sinjali – aty ku e vërteta flet para lajmit!
