Presidenti amerikan Donald Trump ka bërë deklarata të reja lidhur me një seri koncertesh të planifikuara në National Mall në Uashington, në kuadër të festimeve për 250-vjetorin e SHBA-së.
Ai tha se po shqyrton mundësinë e anulimit të eventit, pas tërheqjes së disa artistëve nga programi muzikor, duke sugjeruar që festimet mund të zëvendësohen me një fjalim dhe një tubim politik.
Koncertet ishin pjesë e një panairi të madh shtetëror të organizuar nga grupi “Freedom 250”, i cili pritet të zgjasë disa javë dhe të përfshijë aktivitete të ndryshme kulturore dhe argëtuese në kryeqytetin amerikan.
Megjithatë, largimi i disa artistëve nga eventi ka ngritur pikëpyetje mbi realizimin e programit të parashikuar, duke e vënë organizimin në një situatë të pasigurt.
Në deklaratat e tij, Trump ka pretenduar se gëzon popullaritet më të madh se legjenda e muzikës Elvis Presley, duke shtuar se “ka audiencë më të madhe edhe pa kitarë”, një koment që ka tërhequr vëmendje të gjerë në media.
Sinjali – aty ku e vërteta flet para lajmit!
