Pesë turistë italianë kanë humbur jetën gjatë një zhytjeje në ujërat pranë zonës turistike Alimathaa në Maldive, në një tragjedi të rëndë që ka tronditur komunitetin turistik. Mes viktimave raportohet të jetë edhe një studiues nga Xhenova.
Sipas mediave lokale dhe autoriteteve, turistët ndodheshin në një anije private zhytjeje dhe kishin hyrë në ujë në orët e paradites. Alarmit iu dha rreth orës 10:45 me orën italiane, pasi zhytësit nuk dolën më në sipërfaqe.
Menjëherë pas njoftimit, autoritetet nisën një operacion të gjerë kërkimi dhe shpëtimi në zonë. Pak kohë më vonë, trupat e pesë turistëve u gjetën në det.
Policia ka bërë të ditur se ka nisur hetimet për të zbardhur rrethanat e ngjarjes, ndërsa shkaku i saktë i vdekjes së turistëve mbetet ende i paqartë. Raportimet paraprake tregojnë se kushtet atmosferike në zonë ishin të pafavorshme, ndërsa shërbimi meteorologjik kishte lëshuar një paralajmërim të verdhë për mot të keq, i cili ishte në fuqi gjatë gjithë ditës së incidentit.
Autoritetet po hetojnë nëse moti i keq dhe rrymat e forta detare mund të kenë ndikuar në tragjedinë që ka prekur familjet e viktimave dhe komunitetin turistik.
Cinque italiani morti alle Maldive durante un’immersione https://t.co/mGJWpKkkEF
— Repubblica (@repubblica) May 14, 2026
Sinjali – aty ku e vërteta flet para lajmit!
