Në Zonën Operative të Llapit është ndezur “Zjarri i Lirisë”, në kuadër të aktivitetit “7 Zona, 7 Zjarre, Një Luftë, Një Kujtesë, Drejtësi”, të organizuar nga platforma qytetare “Liria Ka Emër”.
Në këtë aktivitet u bashkuan komandantë dhe ish-ushtarë të Ushtrisë Çlirimtare të Kosovës, të cilët shprehën mbështetje për Hashim Thaçin, Kadri Veselin, Jakup Krasniqin dhe Rexhep Selimin.
Pjesëmarrësit përcollën mesazhin se lufta çlirimtare e UÇK-së ishte e drejtë dhe se bashkëluftëtarët e tyre nuk do të lihen vetëm.
Sipas platformës “Liria Ka Emër”, aktiviteti do të vazhdojë edhe në zonat e tjera operative, duke bashkuar ish-luftëtarët dhe qytetarët në kërkesën për drejtësi.
Kjo nismë zhvillohet në prag të “Marshit për Liri”, i cili do të mbahet më 12 shtator, nga ora 14:00, në sheshin “Skënderbeu” në Prishtinë.
Sinjali – aty ku e vërteta flet para lajmit!
