Një ngjarje tragjike që ndodhi pasditen e së dieles ka tronditur Austrinë.
Sipas mediave austriake, një grua nga Kosova Zoja Oroshi, u vra nga ish-bashkëshorti i saj.
Ky rast tejet i ndjeshëm u trajtua edhe sot në edicionin më të fundit të Programit të Mëngjesit në Klan Kosova, me Nexhmedin Hasanin, i cili është një historian i cili jeton dhe vepron në Austri.
Ai bëri të ditur se i dyshuari krimin e kreu me kaçavidë.
Hasani lidhur me rastin dha edhe detaje të tjera.
“Çifti në fjalë ka qenë i shkurorëzuar dhe ka qenë ish-bashkëshorti i saj i cili ka kryer aktin makabër. Nga ajo që e kemi deri më tani, autorit iu është gjetur edhe një armë e zjarrit në banesën e tij dhe shteti austriak ka marrë masat paraprake”, deklaroi Hasani.
Historiani theksoi se çifti i divorcuar kanë pasur së bashku katër fëmijë.
“Nuk dihen motivet apo problematikat që janë shfaqur në mes tyre. Sidoqoftë i tërë opinioni shqiptar në Austri ka mbetur i shokuar nga ky rast. Rasti ka sjellë edhe reagimin e autoriteteve austriake, konkretisht Ministres së Drejtësisë Anna Sporrer”, theksoi ai.
Lidhur me tragjedinë Klankosova.tv ka raportuar edhe gjatë ditës së djeshme.
Po ashtu, i janë adresuar edhe pyetje Policisë dhe Prokurorisë austriake për të marrë detaje shtesë lidhur me rastin.
Krimi në Austri: Kjo është gruaja nga Kosova që dyshohet se e vrau ish-burri
