Franca është përfshirë nga një skandal i rëndë abuzimi me fëmijë, ku dhjetëra çerdhe shtetërore dhe shkolla fillore po hetohen për akuza të rënda për dhunë fizike dhe seksuale.
Sipas prokurorëve, policia në Paris po trajton mbi 100 akuza që lidhen me keqtrajtim, sulme seksuale dhe raste të dyshuara përdhunimi ndaj fëmijëve të vegjël, disa prej tyre deri në tre vjeç. Hetimet po zhvillohen në 84 parashkollore, rreth 20 shkolla fillore dhe 10 qendra kujdesi ditor.
Autoritetet franceze bëjnë të ditur se dyshimet lidhen me punonjës dhe mbikëqyrës të shkollave gjatë orareve të pushimit, gjumit dhe aktiviteteve pas mësimit.
Kryeprokurorja e Parisit, Laure Beccuau, ka konfirmuar se hetimet janë në vazhdim, ndërsa avokatët e përfshirë në rast theksojnë se disa nga viktimat janë fëmijë shumë të vegjël.
Nga ana tjetër, grupet e prindërve kanë akuzuar sistemin për dështime në rekrutimin dhe verifikimin e stafit, duke thënë se kjo ka lejuar që abuzimet të vazhdojnë për një kohë të gjatë.
Sinjali – aty ku e vërteta flet para lajmit!
