Një rast shqetësues është regjistruar në një shkollë në Gjakovë, ku një nxënës është kapur me thikë brenda ambienteve shkollore.
Ngjarja ka ndodhur më 19 mars rreth orës 14:30 në shkollën “Kadri Kusari”, ku gjatë kontrollit nga sigurimi i shkollës, tek një nxënës i mitur është gjetur një mjet i mprehtë – thikë.
Sipas informacioneve, sigurimi i shkollës ka ndërmarrë kontroll rutinë, gjatë të cilit ka hasur në mjetin e dyshuar dhe menjëherë ka njoftuar Policinë.
Njësitë policore kanë dalë në vendin e ngjarjes dhe kanë ndërmarrë veprimet procedurale, ndërsa i dyshuari është intervistuar në prezencën e prindit dhe avokatit mbrojtës.
I mituri ka deklaruar se thikën e kishte me vete për arsye të “sigurisë personale”.
Lidhur me rastin është njoftuar Prokurori kujdestar për të mitur, i cili ka urdhëruar inicimin e rastit për “Mbajtje në pronësi, kontroll ose posedim të paautorizuar të armëve”, ndërsa i dyshuari është liruar në procedurë të rregullt.
Sinjali – aty ku e vërteta flet para lajmit!
