Xherdan Shaqiri ka dhuruar një tjetër spektakël me fanellën e Baselit, duke qenë protagonist absolut në fitoren 2:4 ndaj Luzernit.
Kapiteni shqiptar i Baselit ishte i pandalshëm në këtë përballje. Shaqiri realizoi dy gola dhe asistoi një tjetër, duke marrë pjesë drejtpërdrejt në tri nga katër golat e skuadrës së tij.
Baseli e siguroi kështu një fitore të rëndësishme në javën e tetë të Superligës së Zvicrës, ndërsa Shaqiri edhe një herë dëshmoi se mbetet një prej lojtarëve kryesorë të ekipit.
Pas këtij triumfi, Baseli ka 13 pikë dhe renditet në pozitën e katërt në tabelë.
Për Shaqirin, kjo ishte një tjetër paraqitje e madhe, duke vazhduar serinë e ndeshjeve ku ai po luan rol vendimtar për Baselin.
Sinjali – aty ku e vërteta flet para lajmit!
