Drejtori i FBI-së, Kash Patel, gjatë një seance dëgjimore në Senatin amerikan, ka deklaruar se Serbia dyshohet se ka kthyer disa persona të kërkuar për veprimtari të inteligjencës kineze në Kinë, në vend që t’i ekstradonte në Shtetet e Bashkuara.
Patel e bëri këtë deklaratë gjatë dëshmisë së tij para senatorëve amerikanë, ku foli edhe për operacione ndërkombëtare kundër krimit kibernetik dhe rrjeteve të spiunazhit.
Ai përmendi një rast ku, sipas tij, një i dyshuar për krime kibernetike i lidhur me Partinë Komuniste të Kinës ndodhej në paraburgim në Itali, por u sigurua që ai të mos kthehej në Kinë, duke e krahasuar situatën me praktika të mëhershme në disa vende, përfshirë Serbinë.
Deklaratat e tij kanë nxitur reagime, pasi ai përdori Serbinë si shembull në diskutimin për ekstradimet dhe trajtimin e të dyshuarve për spiunazh dhe krime kibernetike.
Sipas raportimeve, në prill 2025 në Serbi ishin arrestuar dy persona të kërkuar nga SHBA për akuza të lidhura me spiunazh dhe krime kibernetike, të cilët më pas kishin arritur të largoheshin nga masa e arrestit shtëpiak, duke çuar në lëshimin e urdhërarresteve ndërkombëtare.
Sinjali – aty ku e vërteta flet para lajmit!
