Kompetencat e ushtruesit të detyrës së presidentit, ishin ndër temat që u diskutuan sonte në emisionin Rubikon.
Me këtë rast u shtrua pyetje:
“Ne nuk kemi president e as qeveri dhe si mundet një president që nuk ekziston, por vetëm vetëm një ushtrues detyre të mandatojë qeverinë?”, pyeti autori i emisionit Adriatik Kelmendi.
Opinionistja Anita Shabani, tha se ushtruesi i detyrës i ka të gjitha kompetencat e njëjta me presidentin, sipas Kushtetutës.
“Sepse në Kushtetutë nuk ia kufizon të drejtat ushtruesit të detyrës. Mjafton se 6 muaj maksimum e ushtron detyrën e presidentit, pa asnjë kufizim”, deklaroi ajo në Klan Kosova.
