Garuesi i Muay Thai-t, Sayed Mosawi, është shpallur kampion bote për seniorë në Kampionatin Botëror të IFMA-s, i cili po zhvillohet në Deçan dhe organizohet nga Federata e Muaythait të Kosovës.
Mosawi, me prejardhje nga Afganistani dhe i rritur në Suedi, tashmë është shtetas i Kosovës dhe në arenën ndërkombëtare përfaqëson Republikën e Kosovës.
Në këtë kampionat, medalje të bronzta kanë fituar edhe Domenik Nrecaj, Arjan Hajdari dhe Elton Shyti.
Komiteti Olimpik i Kosovës ka uruar garuesit dhe Federatën e Muaythait të Kosovës për sukseset e arritura.
Sinjali – aty ku e vërteta flet para lajmit!
