Njëri nga prioritetet e qeverisë së Albin Kurtit brenda mandatit katërvjeçar, ishte edhe realizimi i rrugës së re Prizren-Tetovë.
Në një video të realizuar në nëntor të vitit 2021, kryeministri Albin Kurti bashkë me kryetarin e atëhershëm të Prizrenit, shfaqen para një ekrani që tregon për rrugën Prizren-Tetovë.
“Kismet pas 2 ose 3 vjetësh do të udhëtojmë së bashku prej Prizrenit në Tetovë, veç për kafe”, ishte zotimi i Kurtit para tre vjetësh.
Mirëpo, kjo gjë nuk ka ndodhur – pra rruga nuk ka përfunduar edhe pse Kurti premtoi që pas tri vjetësh, ose më herët, do të shkojë veç për kafe në Tetovë.
Ndërkohë sot, në njërin nga tubimet e tij gjatë fushatës, kandidati për kryeministër nga LVV-ja, në premtimet e tij për edhe një mandat, flet për po të njëjtën rrugë.
Madje ai thotë se me këtë rrugë, vendosin drejtësi historike ndaj një padrejtësie gjeografike.
“Rruga Prizren-Tetovë, me këtë rrugë ne vendosim drejtësi historike ndaj një padrejtësie gjeografike, malet i kemi për të na mbrojtur jo për të na ndarë, punimet për rrugën që lidh Prizrenin me Tetovën, Kosovën me Maqedoninë e Veriut, shqiptarët në të dyja anët e kufirit, kanë filluar dhe po ecin me shpejtësi”, tha Kurti në një tubim.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
