Një person ka ndërruar jetë pas një aksidenti me traktor në Podujevë.
Viktima, mashkull po drejtonte një traktor me rimorkio të ngarkuar me pleh organik kur dyshohet se ka humbur kontrollin, duke përfunduar jashtë rruge dhe duke u rrokullisur në një lum.
Ekipet policore dhe ato mjekësore kanë dalë menjëherë në vendin e ngjarjes dhe kanë konstatuar vdekjen e viktimës.
Me vendim të prokurorit, trupi i pajetë është dorëzuar familjarëve. /Telegrafi/
