Një incident me zyrtarët policorë është raportuar në Gjakovë, ku një person ka refuzuar urdhrat e policisë dhe më pas dyshohet se i ka kanosur gjatë shoqërimit në stacion, mëson Sinjali.
Ngjarja ka ndodhur më 23 prill 2026, rreth orës 22:00, në rrugën “Skënderbeu”, ku policia kishte ndaluar një veturë të tipit Opel për një kundërvajtje në komunikacion.
Sipas informatave, gjatë një kontrolli rutinë, i dyshuari Granit Hoxha, 34 vjeç, ka refuzuar të identifikohet dhe t’i paraqesë dokumentet e kërkuara, duke mbyllur edhe xhamin e automjetit pavarësisht kërkesave të përsëritura të policisë.
Për shkak të mosbashkëpunimit, ai është arrestuar nga zyrtarët policorë.
Gjatë transportimit në stacion policor, i dyshuari dyshohet se ka kanosur zyrtarët policorë, të cilët po kryenin detyrën e tyre zyrtare.
I njëjti, gjatë intervistimit, ka pranuar se ka refuzuar të identifikohet, por ka mohuar se i ka kanosur policët.
Me udhëzim të Prokurorit kujdestar, rasti është iniciuar si “Kanosja ndaj personit zyrtar gjatë kryerjes së detyrave zyrtare”, ndërsa i dyshuari është liruar në procedurë të rregullt.
Hetimet për rastin janë në vazhdim.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
