Policia e Kosovës i ka shoqëruar tre persona në fshatin Astrazub të Malishevës për gjueti të kundërligjshme dhe armëmbajtje pa leje.
Të njëjtit kishin postuar fotografi në rrjetet sociale me kafshët e vrara.
“Janë shoqëruar në stacionin policor tre të dyshuar nën dyshimin se kishin kryer veprat e cekura, pasi që në rrjete sociale kanë postuar foto me kafshë të vrara”, thuhet në raport.
Me vendim të prokurorit janë sekuestruar tri pushkë gjuetie, ndërsa pas intervistimit të dyshuarit janë liruar në procedurë të rregullt. /Telegrafi/
