Polonia ka kërkuar vendosjen e një baze të përhershme ushtarake amerikane në territorin e saj, mes shqetësimeve në rritje për sigurinë nga Rusia dhe situatën gjeopolitike në Evropën Lindore.
Ministri i Mbrojtjes i Polonisë, Wladyslaw Kosiniak-Kamysz, tha se Shtetet e Bashkuara janë të hapura për diskutime lidhur me këtë propozim, pas bisedimeve me Sekretarin amerikan të Mbrojtjes, Pete Hegseth, në margjinat e një takimi të NATO-s në Bruksel.
Sipas tij, një letër e dërguar nga Pentagoni e cilëson Poloninë si një “aleat model”, duke vlerësuar angazhimin e saj në rritjen e shpenzimeve për mbrojtje dhe kontributin në sigurinë e Aleancës.
Në përgjigjen e saj, Departamenti Amerikan i Mbrojtjes ka shprehur gatishmëri për të shqyrtuar vendosjen e përhershme të forcave amerikane në Poloni, megjithëse çdo vendim përfundimtar do të varet nga detajet e marrëveshjes dhe zhvillimet e mëtejshme.
Ky propozim vjen në një kohë tensionesh të shtuara mes NATO-s dhe Rusisë, ndërsa Polonia po forcon rolin e saj si një nga partnerët më të rëndësishëm të SHBA-së në Evropë.
Sinjali – aty ku e vërteta flet para lajmit!
