Një incident është regjistruar sot në autostradën “Ibrahim Rugova”, më saktësisht në relacionin Suharekë–Duhel, ku një kamion është përfshirë nga zjarri.
Sipas informacioneve të konfirmuara nga zëdhënësi i Policisë për rajonin e Prizrenit, Shaqir Bytyqi, rasti ka ndodhur sot, rreth orës 12:25, kur Policia ka pranuar informatën për zjarrin në automjet.
“Radiobaza ka njoftuar Stacionin Policor në Suharekë për të dërguar zjarrfikësit, si dhe një patrullë policore në vendin e ngjarjes. Për incidentin është informuar edhe njësiti patrullues i autostradës”, tha Bytyqi.
Lidhur me rastin, një qytetare ka kërkuar ndihmën e Ekipit të Urgjencës, pasi ngasësi i kamionit dhe një pasagjer, ndonëse nuk kanë pësuar lëndime trupore, janë në gjendje të shqetësuar.
Policia dhe zjarrfikësit vazhdojnë të qëndrojnë në vendin e ngjarjes.
Sinjali – aty ku e vërteta flet para lajmit!
