Tajvani ka ritheksuar qëndrimin e tij si një shtet sovran dhe i pavarur, pas deklaratave të presidentit amerikan Donald Trump, i cili paralajmëroi ishullin kundër shpalljes zyrtare të pavarësisë nga Kina.
Zyrtarët tajvanezë theksuan se vendi tashmë funksionon si një komb i pavarur demokratik, duke kundërshtuar çdo pretendim të Pekinit për sovranitet mbi ishullin.
Presidenti tajvanez Lai Ching-te ka deklaruar më herët se Tajvani nuk ka nevojë për shpallje formale të pavarësisë, pasi në praktikë e konsideron veten shtet sovran.
Ndërkohë, Shtetet e Bashkuara po shqyrtojnë një paketë të re armësh për Tajvanin me vlerë rreth 11 miliardë dollarë, në kuadër të mbështetjes për vetëmbrojtjen e ishullit, siç parashikohet edhe nga ligji amerikan.
Megjithatë, Tajvani ka theksuar se mbetet i përkushtuar për ruajtjen e status quo-së me Kinën, duke shmangur shpalljen e pavarësisë formale apo bashkimin me Pekinin, në një përpjekje për të ruajtur stabilitetin në rajon.
Sinjali – aty ku e vërteta flet para lajmit!
