Presidentja Vjosa Osmani është takuar sot me homologun e saj letonez, Edgars Rinkevics.
Pos që kishin takim me dyer të mbyllura për mediat, presidentët mbajtën edhe konferencë të përbashkët, transmeton Klankosova.tv.
“Sot mirëprita në vizitë pune Presidentin e Letonisë, Edgars Rinkevics, një mik i çmuar i Kosovës dhe mbështetës i palëkundur i rrugëtimit tonë euroatlantik. Diskutuam për forcimin e bashkëpunimit bilateral, integrimin euroatlantik të Kosovës dhe sigurinë rajonale”, tha e para e vendit.
“E falënderoj për mbështetjen e vazhdueshme, veçanërisht për anëtarësimin në Këshillin e Evropës dhe organizata të tjera ndërkombëtare, si dhe për angazhimin e Letonisë në KFOR. Kosova mbetet e përkushtuar ndaj reformave dhe sigurisë globale, me aleatë të fortë përkrah!”.
The post Osmani jep detaje nga takimi me homologun letonez appeared first on Klan Kosova.
