Ka ndërruar jetë në Spitalin e Traumës 17-vjeçari që ishte plagosur rëndë me armë zjarri në kokë më 24 maj në Tiranë.
I riu kishte disa ditë që po trajtohej në gjendje kritike, por pavarësisht përpjekjeve të mjekëve nuk arriti të mbijetojë.
Ngjarja kishte ndodhur në zonën e Kthesës së Kamzës, në banesën e një 19-vjeçari. Sipas hetimeve paraprake, dyshohet se i mituri dhe disa të rinj po shihnin një armë zjarri pa leje, e cila është shkrepur aksidentalisht, duke e plagosur rëndë 17-vjeçarin në kokë.
Fillimisht, të pranishmit kishin deklaruar se kishin dëgjuar të shtëna nga jashtë dhe e kishin gjetur të plagosur në oborr, por më pas kanë pranuar se ngjarja kishte ndodhur brenda banesës.
Policia vijon hetimet për të sqaruar plotësisht rrethanat e incidentit.
Sinjali – aty ku e vërteta flet para lajmit!
