Një anije me flamur turk ka kaluar Ngushticën e Hormuzit, rrugën tregtare strategjike që Irani e ka mbyllur pas fillimit të sulmeve të SHBA-së dhe Izraelit më 28 shkurt, të cilat nxitën tensione të mëdha në Lindjen e Mesme dhe rritën ndjeshëm çmimet globale të naftës dhe gazit.
Ministri i Transportit i Turqisë, Abdulkadir Uraloglu, tha se kjo është anija e dytë nga 15 anije turke që prisnin të kalonin ngushticën strategjike. “Dy nga këto 15 kanë kaluar. Kjo shpjegohet nga iniciativat tona dhe gjithashtu nga fakti se ato po përdornin porte iraniane ose po transportonin mallra që vinin nga ose shkonin për Iran”, deklaroi Uraloglu.
Ai nuk specifikoi datën e kalimit të anijes së dytë, ndërsa ajo e parë kishte kaluar më 13 mars, me lejen e Iranit. Ministri shtoi se vetëm nëntë nga anijet e bllokuara kishin kërkuar leje për të kaluar, dhe ministritë e transportit dhe të jashtme po punonin për t’i ndihmuar.
“Katër prej tyre nuk kanë kërkuar të largohen. Dy janë anije për prodhimin e energjisë dhe ndodhen në vend. Dy të tjerat po presin që situata të qetësohet,” përfundoi Uraloglu.
Sinjali – aty ku e vërteta flet para lajmit!
