Bergeni në Norvegji është renditur si qyteti më i mirë në Evropë për të jetuar në vitin 2026, sipas Indeksit Global të Qyteteve të Oxford Economics.
Indeksi, i cili përfshin 1,000 qytetet më të mëdha në botë, i vlerëson ato bazuar në disa kritere, përfshirë pagat, barazinë e të ardhurave, kostot e strehimit, jetëgjatësinë dhe mundësitë rekreative e kulturore.
Bergeni u rendit i dyti në nivel global, pas Canberra-s në Australi. Qyteti norvegjez u vlerësua për pagat e larta, hendekun e ulët të të ardhurave, standardin e kujdesit shëndetësor dhe ekuilibrin mes punës dhe jetës private.
Në vendin e dytë në Evropë u rendit Grenoble i Francës, i katërti në nivel global, ndërsa vendin e tretë evropian e zuri Berna e Zvicrës, e pesta në botë.
Në listën e 10 qyteteve më të mira evropiane për cilësinë e jetës përfshihen edhe Oslo, Luksemburgu, Dresdeni, Genti, Parisi, Bazeli dhe Linzi.
Në nivel global, Canberra kryeson renditjen, ndërsa Bergen, Grenoble dhe Bernë plotësojnë katër vendet e para.
Sinjali – aty ku e vërteta flet para lajmit!
