Komisioni Qendror i Zgjedhjeve ka bërë të ditur se procesi i numërimit të votave të ardhura përmes postës nga diaspora pritet të përfundojë deri në mesjavë.
Sipas zëdhënësit të KQZ-së, Valmir Elezi, nga 85,790 pako të pranuara, mbi 82 mijë zarfe janë aprovuar për numërim, ndërsa pjesa tjetër është refuzuar për shkak të mungesës së dokumentacionit të nevojshëm.
Pas përfundimit të numërimit të votave me postë, KQZ do të nisë procesin e numërimit të votave me kusht dhe atyre të votuesve me nevoja të veçanta.
Elezi ka bërë të ditur gjithashtu se, pas kompletimit të të gjitha votave të mbetura, KQZ-ja do të shqyrtojë edhe rinumërimin e deri në 10 për qind të vendvotimeve të rregullta.
Sinjali – aty ku e vërteta flet para lajmit!
