Komisionerja për Zgjerim e Bashkimit Evropian, Marta Kos, ka qëndruar sot në Prishtinë, ku është takuar me kryeministrin në detyrë, Albin Kurti.
Përmes një postimi në ‘X’, Kos është shprehur e lumtur për vizitën në Kosovë, ndërsa ka falënderuar për mikpritjen e ngrohtë në Prishtinë.
Ajo ka theksuar se 88 për qind e qytetarëve të Kosovës besojnë në perspektivën evropiane të vendit, duke shtuar se Bashkimi Evropian është i gatshëm ta intensifikojë bashkëpunimin në çështjet ekonomike, përparimin demokratik dhe reformat.
“Viti 2026 mund të jetë një moment i mundësive evropiane për Kosovën. Kjo kërkon që forcat politike të bashkohen dhe të gjejnë stabilitet institucional afatgjatë”, ka deklaruar Kos.
Pleased to be in Pristina today and meeting caretaker Prime Minister @albinkurti. Thank you for the warm welcome.
88% of Kosovo’s people believe in the country’s European perspective. We are ready to answer their call to intensify the level of work on economic issues, on… pic.twitter.com/kqTUSDZ6zt
— Marta Kos (@MartaKosEU) May 15, 2026
Sinjali – aty ku e vërteta flet para lajmit!
