Një person është shoqëruar në polici në Ferizaj, nën dyshimin për kanosje ndaj një zyrtari komunal përmes rrjetit social Instagram, raporton Gazeta Sinjali.
Sipas njoftimit të Policisë së Kosovës, hetuesit e Sektorit Rajonal të Hetimeve në Ferizaj kanë arritur të identifikojnë dhe ta shoqërojnë në stacion policor të dyshuarën me inicialet A.B., 32-vjeçare.
Rasti dyshohet të ketë ndodhur më 12 maj 2026, kur e dyshuara përmes Instagramit ka kanosur një zyrtar komunal.
“Me datën 14.05.2026, e dyshuara është shoqëruar në stacionin e policisë dhe është intervistuar në prani të avokatit mbrojtës sipas procedurave ligjore”, thuhet në njoftimin e Policisë.
Lidhur me rastin është njoftuar prokurori i shtetit, ndërsa me urdhër të tij ndaj të dyshuarës është iniciuar procedura e rregullt hetimore për veprën penale “Kanosje”.
Sinjali – aty ku e vërteta flet para lajmit!
