Deputetja e Lidhjes Demokratike te Kosoves, Janina Ymeri, ka reaguar ashper ndaj kryetarit te partise, Lumir Abdixhiku, pas zhvillimeve te fundit rreth marreveshjes politike me Levizjen Vetevendosje per kandidaturen per Presidente.
Ymeri e ka akuzuar Abdixhikun se, pervec sulmeve ndaj deputeteve te partise se tij, po i atribuon asaj deklarata qe, sipas saj, nuk i ka bere kurre.
“Nga sot, ne videot propagandistike te Vetevendosjes do te shihni edhe deklaratat e z. Abdixhiku duke sulmuar deputetet e tij, ndonese ky i fundit eshte kryetar i LDK-se dhe jo i Vetevendosjes”, ka shkruar Ymeri.
Ajo ka mohuar se gjate diskutimeve ka deklaruar se nuk i respekton vendimet e Keshillit, Kryesise apo Kuvendit te LDK-se, duke theksuar se as nuk i ka permendur keto organe.
Ymeri thote se qendrimi i saj ka qene konkret: kundershtimi i kandidatures presidenciale, si per shkak te qendrimit qe kishte mbajtur para zgjedhjeve ndaj bashkepunimit me VV-ne, ashtu edhe per shkak te profilit te kandidatit.
Deputetja e LDK-se pretendon madje se ka deshmitare per ate qe eshte thene ne takim.
Sipas saj, te pranishem kane qene 15 deputete te tjere, nje anetar i Kryesise dhe dy persona nga stafi i selise se LDK-se.
“Se pse eshte ndjere ne hall kryetari i partise sime per te shpikur deklarata te paqena nuk e di”, ka shkruar ajo.
Ymeri ka theksuar se eshte e vetedijshme per pasojat qe qendrimi i saj mund te kete brenda organeve partiake dhe se do t’i respektoje ato, por ka bere te qarte se nuk do ta ndryshoje qendrimin e saj.
Por pjesa me e forte e reagimit vjen ne fund.
Ymeri ka ngritur dyshime se prapa asaj qe ajo e quan “skene negociatash” mund te qendroje nje ceshtje shume me e madhe, duke e lidhur ate me tregtine e energjise elektrike.
“Jam e sigurt se pertej kesaj skene negociatash po fshihet nje hall i madh, qe mund te jete lirisht edhe bixhozi i ketij shteti: tregtia me energjine elektrike”, ka deklaruar Ymeri.
Reagimi i saj vjen ne kohen kur brenda LDK-se jane shfaqur publikisht kundershtime ndaj marreveshjes se arritur nga Abdixhiku me Albin Kurtin dhe ndaj kandidatures presidenciale per te cilen jane dakorduar dy lideret.
Sinjali – aty ku e vërteta flet para lajmit!
