Një 13-vjeçar dyshohet se ka goditur me thikë një 19-vjeçar, pasditen e sotme në Prizren.Ngjarja raportohet të ketë ndodhur në një rrugë në afërsi të shkollës fillore “Emin Duraku”.
Lajmi për Telegrafin e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.
Ai tha se 19 vjeçari është jashtë rrezikut për jetë.
“Në afërsi të shkollës fillore, pas një zënke në mes dy të rinjve një i mitur 13 vjeçar dyshohet se ka goditur më thikë një 19 vjeçar. 19 vjeçari është jashtë rrezikut për jetë. Për rastin është njoftuar prokurori i shtetit dhe, në bashkërendim me të, po vazhdojnë hetimet për sqarimin e plotë të rrethanave të këtij rasti”, tha Bytyqi. /Telegrafi/
