Arsenali ka kaluar në avantazh të hershëm në përballjen ndaj Paris Saint-Germain, falë një goli të shpejtë të Kai Havertz në minutat e para të ndeshjes.
Sulmuesi gjerman shënoi pas vetëm gjashtë minutash lojë, duke përfituar nga një gabim në mbrojtjen e PSG-së nga Marquinhos. Havertz reagoi shpejt, rrëmbeu topin dhe me një goditje të fortë mposhti portierin kundërshtar, duke kaluar Arsenalin në epërsi.
Goli i hershëm ka ndryshuar ritmin e takimit, ndërsa PSG është detyruar të riorganizohet për të kërkuar barazimin.
Mbetet të shihet nëse skuadra franceze do të arrijë të reagojë dhe të rikthehet në lojë pas këtij fillimi të vështirë në ndeshjen ndaj londinezëve.
Sinjali – aty ku e vërteta flet para lajmit!
