Një vjedhje e rëndë ka ndodhur në lagjen Fidanishte të Pejës, rast që ka vënë në lëvizje Policinë dhe Prokuroria Themelore në Pejë.
Një grua ka raportuar në polici se i është vjedhur një shumë e madhe parash të cilat i mbante në valixhen e saj.
Burime të Klankosova.tv bëjnë të ditur se shuma e parave që është vjedhur, dyshohet të kapë shifrën e 94 mijë frangave.
Rastin për redaksinë e Klankosova.tv e ka konfirmuar edhe zëdhënësi i Prokurorisë Themelore në Pejë, Shkodran Nikçi.
“Menjëherë janë ndërmarrë veprime hetimore nga Prokurori i Shtetit në koordinim të plotë me Policinë e Kosovës Njësinë e Hetimeve në Pejë. Aktualisht janë duke u bërë hetime intensive në mënyrë që të sqarohet ky rast, për të cilin bëhet fjalë për një shumë të konsiderueshme parash“, ka deklaruar Nikçi.
